Tschertga

Al cuntegn
Siglia al cuntegn da la paginaSiglia a la navigaziunSiglia a la tscherna da la linguaSiglia a la tscherna da la linguaRespostas simplas davart la vita en Svizra
  • DE
  • FR
  • IT
  • RM
  • EN
Respostas simplas davart la vita en Svizra
  • Tut ils temas
  • Sanadad
  • Disposiziun dal pazient
Tut ils temas
  • Sanadad
  • Disposiziun dal pazient

Disposiziun dal pazient

Cun ina disposiziun dal pazient pudais Vus reglar, co che Vus vulais vegnir tractada u tractà medicinalmain a la fin da Vossa vita. Per quest intent pudais Vus emplenir in formular. Procedura e model.

Bun da savair

Per emplenir ina disposiziun dal pazient stuais Vus esser abla u abel da giuditgar. Nagina terza persuna po emplenir la disposiziun per Vus.
Tut ils temas
  • DE
  • FR
  • IT
  • RM
  • EN
Cun ina disposiziun dal pazient pudais Vus definir, tge tractament medicinal che Vus giavischais suenter in grev accident u durant il stadi final d’ina malsogna e tgenin betg.
Cun quai garantis Vus che Vossa voluntad sco pazienta u pazient vegn er resguardada, cura che Vus na pudais betg pli exprimer Vossa voluntad.
Vus n’essas betg obligada u obligà da far ina disposiziun dal pazient. La disposiziun è persunala e gratuita. Vus pudais far e midar ina tala disposiziun da tut temp.
Vus pudais eleger tranter duas sorts da disposiziuns dal pazient: ina che sa concentrescha sin l’essenzial ed ina che definescha tut tenor la situaziun, tge mesiras medicinalas che dastgan vegnir prendidas. Vus agis suandantamain:

  1. Chargiai giu in model, per exempel il formular da la Federaziun dals medis svizzers (FMH) en la versiun curta u detagliada. Er numerusas autras uniuns porschan exempels e models.

  2. Empleni il model tschernì, mettai la data e suttascrivai il model.

  3. Surdai la disposiziun dal pazient ad ina persuna da confidenza ubain a la media u al medi da chasa. Vus pudais er inditgar, nua ch’il team da tractament chatta il document en cas da basegn.

  4. Tegnai en Vossa bursa ina indicaziun pertutgant Vossa disposiziun dal pazient e pertutgant il lieu da deposit.

Na targlinai betg d’As laschar cussegliar per emplenir il model – per exempel d’ina media u d’in medi ch'è responsabel per Vus. Ina clera disposiziun dal pazient che correspunda a Voss giavischs ha – en cas d’ina decisiun – dapli paisa e chaschuna main dumondas d’interpretaziun.
La disposiziun dal pazient duess vegnir examinada regularmain e vegnir adattada en cas da basegn. La FMH recumonda da far mintga dus onns in’examinaziun. N’emblidai betg da metter la data e da suttascriver la nova versiun.
Vus na stuais betg exnum esser sauna u saun sco in pesch, ma Vus stuais esser abla u abel da giuditgar.
La disposiziun dal pazient sto correspunder a Vossa vaira voluntad e na duess betg vegnir fatga sut pressiun.
Per las medias ed ils medis responsabels èn liantas mo disposiziuns dal pazient, sche quellas portan ina data ed èn suttascrittas a maun.

  • Models da la Federaziun dals medis svizzers (FMH) (versiun curta u detagliada)

  • Infurmaziuns davart la disposiziun dal pazient e davart la cussegliaziun correspundenta da la Societad svizra da medischina e tgira palliativa

Tut ils temas

In servetsch da la Confederaziun, dals chantuns e da las vischnancas

Davart ch.chInfurmaziuns giuridicas
Link YoutubeLink Twitter
VoteInfo