Il material da votar survegnis Vus il pli tard 3 emnas avant la votaziun federala en Vossa chascha da brevs. El cuntegna en spezial:
il cedel da votar
ina cuverta da votar
e – tar la part la pli gronda dals chantuns – :
ina cuverta per la votaziun per correspundenza
il certificat dal dretg da votar (u tut tenor il chantun er l'attest da votar).
E: las explicaziuns dal Cussegl federal davart ils projects federals da votaziun.
Ils chantuns pon agiuntar ulteriurs documents. Els pon autorisar las vischnancas da trametter las explicaziuns dal Cussegl federal mo ina giada per chasada. Sche quai è il cas, pudais Vus dentant dumandar tar la vischnanca per in agen exemplar.
Las Svizras ed ils Svizzers a l'exteriur survegnan il material da votar a lur adressa da domicil a l'exteriur.
Las Svizras ed ils Svizzers a l'exteriur survegnan il material da votar a lur adressa da domicil a l'exteriur.
Sche Vus n'avais betg survegnì il material da votar u l'avais pers, As drizzai a Vossa vischnanca e la communitgai quai ch'è capità.
Loading...
Vossa vischnanca As trametta il material da votar en la lingua uffiziala dal chantun. Sche Vus vulais il material davart la votaziun federala en in'autra lingua naziunala, pudais Vus dumandar quai tar Vossa vischnanca. Las explicaziuns dal Cussegl federal pon er vegnir consultads sur admin.ch en tut las quatter linguas naziunalas.