Las elecziuns dal Cussegl dals chantuns han lieu en in u en dus scrutinis.
En ils blers chantuns è l'emprim scrutini il medem di sco las elecziuns dal Cussegl naziunal, pia ils 22 d'october 2023. In eventual segund scrutini ha lieu il november. La data variescha da chantun a chantun.
Appenzell Dadens è il sulet chantun ch'elegia sia commembra u ses commember dal Cussegl dals chantuns la fin d'avrigl a chaschun dal cumin (Landsgemeinde).
Ils chantuns
Mintga chantun definescha las reglas che valan per eleger sia represchentanza en il Cussegl dals chantuns. Il chantun trametta il material electoral, organisescha las elecziuns, procura che las elecziuns hajan lieu senza incaps e publitgescha ils resultats.
Las proceduras dals chantuns èn sumegliantas, han però differenzas che pertutgan per exempel la maioritad necessaria u las persunas cun dretg da votar.
Las vischnancas
Per regla s'occupan las vischnancas dals locals electorals. Ellas nomineschan ils dumbravuschs e portan las urnas en ils locals electorals. Il di d'elecziun procuran las vischnancas che las vuschs vegnian dumbradas correctamain e transmettan ils resultats als chantuns.
Las partidas
Las partidas e las gruppaziuns proponan lur candidatas e candidats per las elecziuns. Infurmaziuns supplementaras davart las reglas electoralas en Voss chantun survegnis Vus da l'autoritad chantunala ch'è cumpetenta per ils dretgs politics.
En ils blers chantuns vala la procedura da maiorz.
En ils chantuns Neuchâtel e Giura vegni percunter elegì tenor il sistem da proporz.
Il di d'elecziun pudais Vus persequitar cuntinuadamain las elecziuns sin plirs chanals:
Paginas da las autoritads chantunalas
Pagina da l'Uffizi federal da statistica
ch.ch infurmescha, co che Vus pudais fundar ina partida u daventar commembra u commember d'ina partida.
ch.ch inditgescha, quants sezs che mintga chantun ha en il parlament.