Tschertga

Al cuntegn
Siglia al cuntegn da la paginaSiglia a la navigaziunSiglia a la tscherna da la linguaSiglia a la tscherna da la linguaRespostas simplas davart la vita en Svizra
  • DE
  • FR
  • IT
  • RM
  • EN
Respostas simplas davart la vita en Svizra
  • Tut ils temas
  • Segirezza e dretg
  • Returnar u barattar rauba
Tut ils temas
  • Segirezza e dretg
  • Returnar u barattar rauba

Returnar u barattar rauba

En Svizra n’avais Vus nagin dretg legal da barattar u da restituir. Intginas fatschentas e butias online porschan dentant sin basa voluntara la pussaivladad da returnar u da barattar in product. Tge che Vus stuais ultra da quai resguardar tar bons.

Remartga

Cumprar online: in’adressa cun la finiziun .ch na vul betg automaticamain dir che l’interpresa haja sia sedia en Svizra. Tips davart cumpras online a l’exteriur.
Tut ils temas
  • DE
  • FR
  • IT
  • RM
  • EN
Vulais Vus returnar in product, As laschar restituir il pretsch da cumpra u barattar in artitgel? Cudeschs, autos u vestgadira – en Svizra na prevesa la lescha nagin dretg da returnar u barattar per consumentas e consuments. Mintga fatschenta po far sias atgnas reglas.
Intginas fatschentas concedan a lur clientella in dretg da revocaziun da 14 dis u dapli: durant quest temp pudais Vus returnar u barattar in product.
La lescha regla sulettamain ils suandants affars:

  • vendita da porta a porta: quai vul dir tut ils affars, tar ils quals Vus vegnis surprais – betg mo a la porta chasa, mabain per exempel er sin via u ad in’occurrenza da reclama;

  • contracts fatgs al telefon, damai contracts, tar ils quals Vus consentis ad ina cumpra al telefon.

En tuts dus cas pudais Vus revocar il contract aifer 14 dis sche la valur da la rauba importa dapli che 100 francs.
Per il commerzi online valan en Svizra las medemas reglas sco per la cumpra en fatschenta. Legiai adina las cundiziuns generalas da fatschenta dal purschider; la lescha prevesa darar disposiziuns obligantas.
En cas da conflict cun fatschentas online svizras, As gida il post da mediaziun E-Commerce.
Precauziun speziala vala per cumpras online a l’exteriur.

Tips per restituziuns e barats

  • Impurtant è che Vus possias mussar la quittanza.

  • Returnai la rauba sche pussaivel en l’emballadi original.

  • As laschai per segirtad dar ina quittanza en scrit per in barat u per ina restituziun.

  • Artitgels d’igiena e rauba a pretsch reducì na pon per il solit betg vegnir returnads.

Per products novs vala en Svizra ina garanzia da dus onns. Suenter stat ina fatschenta buna mo, sch’il contract da cumpra prevesa ina garanzia prolungada. Per products d’occasiun vala ina garanzia d’in onn.
Las purschidras ed ils purschiders na dastgan betg scursanir quests termins; els pon dentant excluder cumplettamain la garanzia.
En cas d’ina mancanza, contactai la vendidra u il vendider uschè spert sco pussaivel. La purschidra u il purschider ha las suandantas pussaivladads:

  • prender enavos la rauba e restituir il pretsch da cumpra;

  • dar in rabat;

  • substituir l’artitgel cun defect.

La lescha n’è betg lianta en quest resguard, perquai pon las purschidras ed ils purschiders er mo prevesair il dretg da reparatura en lur cundiziuns generalas da fatschenta. Infurmaziuns detagliadas survegnis Vus tar l'Uffizi federal per dumondas dal consum.
En cas da conflicts As gidan las organisaziuns da consumentas e consuments e posts d’intermediaziun.
La lescha na regla betg la durada da valaivladad da bons. Verifitgai la valaivladad sin il bon e fixai tut tenor ina durada pli lunga. Ulteriuras infurmaziuns chattais Vus sin la pagina d’internet da l’Uffizi federal per dumondas dal consum.

  • Infurmaziuns per consumentas e consuments (Uffizi federal per dumondas dal consum)

  • Respostas a las dumondas las pli frequentas davart il consum ed il dretg (Uffizi federal per dumondas dal consum)

  • Post da mediaziun E-Commerce per reclamaziuns en connex cun cumpras online

  • Forum svizzer dals consuments

  • Fundaziun per la protecziun dals consuments

  • RecallSwiss (admin.ch) l’app per revocar products privlus

Tut ils temas

In servetsch da la Confederaziun, dals chantuns e da las vischnancas

Davart ch.chInfurmaziuns giuridicas
Link YoutubeLink Twitter
VoteInfo