En cas che Vus vulais acceptar l’ierta, stuais Vus communitgar quai entaifer trais mais cun ina brev recumandada a l’autoritad responsabla da l’ultim domicil da la persuna defuncta.
En quest cas va Vossa part d’ierta a Vossas ertavlas ed a Voss ertavels tenor lescha. Quels han trais mais temp da refusar l’ierta. En cas che las ertavlas ed ils ertavels refusan l’ierta, vegn quella liquidada da l’uffizi da concurs da l’ultim chantun da domicil da la persuna defuncta. En consequenza vegn la facultad disponibla duvrada per cuvrir ils debits.
Vus pudais er gia renunziar a Vossa part d’ierta, sche la persuna – da la quala il relasch Vus duais ertar – viva anc. Per quai concludais Vus cun ella in contract d’ierta
Infurmaziuns davart la situaziun finanziala da la persuna defuncta As dattan per exempel l’ultima decleraziun da taglia, ils extracts da banca u in extract dal register da scussiun.
Questas infurmaziuns survegnis Vus normalmain cun mussar in attest d’ierta.
Sche Vus n’essas betg segira u segir, quant auta che l’ierta è, pudais Vus pretender in inventari public da l’autoritad responsabla.
Loading...
L’autoritad fa las retschertgas necessarias ed elavurescha l’inventari. Tut tenor ils bains da facultad che defineschan l’ierta e tut tenor la situaziun finanziala da la persuna defuncta pon las retschertgas durar plirs mais.
L’inventari As dat ina survista cumpletta davart ils bains da facultad da l’ierta. Cun quest inventari pudais Vus e las autras ertavlas ed ils auters ertavels decider invidiualmain, sche Vus vulais acceptar l’ierta u betg.
Per ulteriuras dumondas davart il tema, cura e co che ina ierta po vegnir refusada, As drizzai il meglier ad ina chanzlia d’advocat u ad in notariat